" كاشف الكدب "
الحوار بين الاب و ابنه , وابنه طالب فى الثانويه العامه منتظر النتيجه
الولد : باباااااااااااا انا نجحت
الاب : مبروك يا حبيبى هـــاه جبت كام
الواد : جبت 95 % يا بابـا
الاب : مبروك يبنى علشان كده جبتلك هديه
الواد : بجد يا بابا جبتلى ايه
الاب : جبتلك جهاز كاشف الكدب
.. ويطلع واحد من ورا الاب ..
الواد : ايه ده يا بابا ؟؟
الاب : دى هديتك يا ضنايا !
الواد بلع ريقه بصعوبه
الاب : جبت كام بقى يا حبيبى ؟؟
الواد : جبت 95 % يا بابـأ
كاشف الكدب قام اداله قفا
الاب : هــا يا حبيبى جبت كام قلتلى
الواد : 90 % يا بابا
كاشف الكدب قام اداله قفا تانى
الاب : هـا يا حبيبى مقلتليش جبت كام
الواد : خلاص يا بابا انا جبت 82
كاشف الكدب قام اداله قفا برده
الاب : وبعدين معاك النهارده مش هتقولى يعنى
الواد : خلاص يا بابا انا جبت 73 %
الاب : كسفتنى , دى اخره تربيتى ليك
ده انا وانا فى سنك كنت من الاوائل
كاشف الكدب قام ادا للاب قفا
الاب لكاشف الكدب : انتى هتفضحنى ولا ايه قدام ابنى
الواد : ايه يا بابا قلت ايه
الاب : لا يا حبيبى انا بقولك لما كنت فى سنك كنت جايب مجموع عالى
كاشف الكدب اداله قفا
الاب : اه افتكرت انا جبت !! 80 %
كاشف الكدب اداله قفا
الاب : انا جبت نفس مجموعك بالظبط
كاشف الكدب اداله قفا
الاب : خلاص ياعم انت من ساعه مجبتك وانت شغال ضرب ضرب
خلاص يبنى انا مكملتش تعليمى من اصله
اتمنى ان يعجبكم
موضوع: كاشف الكذب 
